96 år gammal Auschwitz-bokførar må sone
96 år gamle Oskar Gröning, som var bokførar i Auschwitz, må sone dommen på fire års fengsel.
29.11 2017
Gröning var tilsett som bokhaldar i konsentrasjonsleiren og blei i 2015 funnen skyldig i medverknad til drap på 300.000 fangar.
Den tidlegare Waffen-SS-soldaten hadde ein kontorjobb og tok ikkje sjølv livet av nokon, men han bokførte verdisakene til jødar som kom til leiren. Han var like fullt delaktig i massedrap, slo dommaren fast.
Gröning vann ikkje fram med anken og onsdag slo ein domstol i Berlin fast at han trass i sine 96 år er frisk nok til å sone.
Rundt 1,1 million menneske, dei aller fleste av dei jødar, blei drepne i Auschwitz-leiren i tyskokkuperte Polen under andre verdskrigen.
http://www.fjordabladet.no/npk/utenriks ... 675317.ece
